លោក ផែង វណ្ណៈ ចោទជាសំណួរទៅនគរបាលក្រុងប៉ោយប៉ែត បន្ទាប់ពីបែកធ្លាយសារសម្លេងរវាង ឈ្មោះ ចាន់ ពៅ និងអធិការរងក្រុង ថាជាបណ្តាញសម្ងាត់
លោក ផែង វណ្ណៈ ចោទជាសំណួរទៅនគរបាលក្រុងប៉ោយប៉ែត បន្ទាប់ពីបែកធ្លាយសារសម្លេងរវាង ឈ្មោះ ចាន់ ពៅ និងអធិការរងក្រុង ថាជាបណ្តាញសម្ងាត់
ភ្នំពេញ៖ក្រោយបែកធ្លាយសារសម្លេងសន្ទនាគ្នា រវាងឈ្មោះ ចាន់ ពៅ និងលោកវរសេនីយ៍ទោ កែវ ដូល អធិការរងនគរបាលក្រុងប៉ោយប៉ែត ចែកចាយលើបណ្តាញសង្គមហ្វេសប៊ុក ពាក់ព័ន្ធនិងការបង្កើតបណ្តាញសម្ងាត់ករណីគ្រឿងញៀន ដែលសមត្ថកិច្ចនិយមហៅថាជា “ខ្លាសរ” ត្រូវបានចាប់ខ្លួនពីបទចែកចាយគ្រឿងញៀន នោះ លោក ផែង វណ្ណៈ បានចោទជាសំណួរទៅនិងករណីនេះ ថាតើការកងសាងបណ្តាញសម្ងាត់នេះមានឯកសារត្រឹមត្រូវ និងទទួលស្គាល់ពីប្រធានអង្គភាព ឬថ្នាក់លើដែរឬទេ?
តាមរយៈបណ្តាញសង្គមនាយប់ថ្ងៃទី២៣ ខែមេសា ឆ្នាំ២០២៥នេះ លោក ផែង វណ្ណៈ បានលើកឡើងថា ឈ្មោះ ចាន់ ពៅ ដែលសមត្ថកិច្ចនគរបាលក្រុងប៉ោយប៉ែតអះអាងថាជា បណ្ដាញសម្ងាត់របស់លោកវរសេនីយ៍ទោ កែវ ដូល អធិការរងក្រុងប៉ោយប៉ែត ទទួលបន្ទុកគ្រឿងញៀន ត្រូវបានចាប់ខ្លួនពីបទ ចែកចាយគ្រឿងញៀន ។ ការបកស្រាយ និង ទទួលស្គាល់ឈ្មោះ ចាន់ ពៅ ជាបណ្ដាញសម្ងាត់របស់លោកវរសេនីយ៍ទោ កែវ ដូល កេីតមានឡេីងបន្ទាប់ពីបែកធ្លាយសម្លេង សន្ទរនា រវាង ឈ្មោះ ចាន់ ពៅ និង លោកវរសេនីយ៍ទោ កែវ ដូល ចែកចាយលេីបណ្ដាញសង្គម ហ្វេសប៊ុក ។
លោក ផែង វណ្ណៈ បានចោទជាសំណួរថា តេីការកសាង និង ប្រេីប្រាស់បណ្ដាញសម្ងាត់ បំរេីអោយការងារបង្ក្រាបគ្រឿងញៀននេះ មានធ្វេីឯកសារត្រឹមត្រូវ និង មានការទទួលស្គាល់ពី ប្រធានអង្គភាព ឬ ថ្នាក់លេី ដែរឬទេ ? ការកសាង និង ប្រេីប្រាស់បណ្ដាញសម្ងាត់ ឬ មូលដ្ឋានសម្ងាត់ មិនមែនចេះតែបង្កេីតដោយគ្មានការគ្រប់គ្រង និង ហ្វឹកហ្វឺនត្រឹមត្រូវទេ ជាពិសេសត្រូវសុំការអនុញ្ញាតិពីមេអង្គភាព ពេលខ្លះត្រូវសុំការទទួលស្គាល់ពីថ្នាក់ដឹកនាំអគ្គស្នងការ និង រដ្ឋមន្ត្រីថែមទៀត ហេីយត្រូវមានរហ័ស្សនាម និង របបរាយការណ៍ត្រឹមត្រូវ ៕
