ឧបនាយករដ្ឋមន្រ្តី ក្រសួងមហាផ្ទៃ៖ រាជរដ្ឋាភិបាល នីតិកាលទី៧ បន្តប្តេជ្ញាចិត្តប្រយុទ្ធប្រឆាំងដាច់ខាតអំពើជួញដូរមនុស្ស និងបទល្មើសឧក្រិដ្ឋដទៃទៀត

ឧបនាយករដ្ឋមន្រ្តី ក្រសួងមហាផ្ទៃ៖ រាជរដ្ឋាភិបាល នីតិកាលទី៧ បន្តប្តេជ្ញាចិត្តប្រយុទ្ធប្រឆាំងដាច់ខាតអំពើជួញដូរមនុស្ស និងបទល្មើសឧក្រិដ្ឋដទៃទៀត

ភ្នំពេញ ៖ លោក ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គ.ជ.ប.ជ បានថ្លែងថា រាជរដ្ឋាភិបាល នីតិកាលទី៧ បន្តប្តេជ្ញាចិត្តប្រយុទ្ធប្រឆាំងដាច់ខាតអំពើជួញដូរមនុស្សគ្រប់ទម្រង់ និងបទល្មើសឧក្រិដ្ឋដទៃទៀត ដែលជាឧបសគ្គរារាំង ដល់ដំណើរការអភិវឌ្ឍជាតិគ្រប់វិស័យ។
លោក ស សុខា បានថ្លែងយ៉ាងដូច្នេះនាឱកាសអញ្ជើញជាតំណាង សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ក្នុងទិវាជាតិអន្តរសាសនាប្រឆាំងអំពើជួញដូរមនុស្ស លើកទី៩ ឆ្នាំ២០២៥ ក្រោមប្រធានបទ «សុខដុមនីយកម្ម សាសនា នៅកម្ពុជា ជាសក្តានុពលក្នុងការប្រឆាំង អំពើជួញដូរមនុស្ សគ្រប់ទម្រង់ នាសម័យបច្ចេកវិទ្យា» នៅមជ្ឈមណ្ឌល សន្និបាត និងពិព័រណ៍អន្តរជាតិជ្រោយចង្វារ នារសៀលថ្ងៃទី២០ ខែសីហា ឆ្នាំ២០២៥។
លោក ស សុខា បានគូសបញ្ជាក់ថា «រាជរដ្ឋាភិបាល នីតិកាលទី៧ ក្រោមការដឹកនាំរបស់ សម្តេចធិបតី បាននឹងកំពុងបន្តវេន ដឹកនាំប្រទេសជាតិ យ៉ាងស្វាហាប់ឆ្ពោះទៅកាន់ ចក្ខុវិស័យកម្ពុជា ឆ្នាំ ២០៥០ តាមយុទ្ធសាស្ត្របញ្ចកោណ ដំណាក់កាលទី១ និងបន្តប្តេជ្ញាចិត្ត ប្រយុទ្ធប្រឆាំងដាច់ខាតអំពើជួញដូរមនុស្សគ្រប់ទម្រង់ និងបទល្មើសឧក្រិដ្ឋដទៃទៀត ដែលជាឧបសគ្គរារាំង ដល់ ដំណើរការអភិវឌ្ឍជាតិគ្រប់វិស័យ»៕