ឆ្នាំ២០២៥-២០២៦ ចិនទទួលទិញដំឡូងមីស្ងួតពីកម្ពុជា បន្ថែម ២០ម៉ឺនតោន

ដោយ៖ អែម លំអង | ថ្ងៃអាទិត្យ ទី១៦ ខែមីនា ឆ្នាំ២០២៥ ព័ត៌មានជាតិ សង្គម

ភ្នំពេញ៖ កម្ពុជា-ចិន បានចុះអនុស្សារណៈ នៃការយោគយល់គ្នា សម្រាប់ជំហានទី២ ក្នុងការទិញដំឡូងមីស្ងួតចំនួន២០ម៉ឺនតោនពីកម្ពុជា នៅឆ្នាំ២០២៥-២០២៦នេះ ខណៈជំហានទី១ កម្ពុជាបានលក់ដំឡូងមីស្ងួតទៅឱ្យភាគីចិនចំនួន៥០០០តោន។

យោងតាមការផ្សាយរបស់ក្រសួងពាណិជ្ជកម្ម បានឲ្យដឹងថា កាលពីថ្ងៃស្រុក ទី១៤ ខែមីនា កន្លងទៅនេះ លោក លីម ឡោពិសិដ្ឋ រដ្ឋលេខាធិការក្រសួងពាណិជ្ជកម្ម បានចូលរួមជាអធិបតីក្នុងពីធីទទួលដំឡូងមីស្ងួតពីកម្ពុជាលើកទី១ ចំនួន៥,០០០តោន និងពីធីចុះអនុស្សារណៈ នៃការយោគយល់គ្នាចំនួន២០០,០០០តោន សម្រាប់ឆ្នាំ២០២៥-២០២៦ និងកិច្ចព្រមព្រៀងទិញ-លក់ដំឡូងមីស្ងួត រវាងក្រុមហ៊ុន HANG HARVEST AGRICULTURE CO., LTD និង ក្រុមហ៊ុន COFCO BIO-ENERGY CO., LTD ជំហានទី២ នៅកំពង់ផែក្នុងទីក្រុងប៉ីហៃ នៃតំបន់ស្វយ័តជនជាតិជាំងក្វាងស៊ី។
ការចុះកិច្ចព្រមព្រៀងនេះនឹងជួយពង្រឹង និងពង្រីកកិច្ចសហប្រតិបត្ដិការពាណិជ្ជកម្មរវាងព្រះរាជាណាចក្រកម្ពុជា និងសាធារណៈរដ្ឋប្រជាមានិតចិន ក៏ដូចជាជួយជំរុញការនាំចេញវិស័យដំឡូងមីរបស់កម្ពុជាទៅកាន់ទីផ្សារប្រទេសចិន ផងដែរ។
គួរបញ្ជាក់ដែរថា ក្នុងពិធីនេះមានការអញ្ជើញចូលរួមពីមន្ទីរពាណិជ្ជកម្មនៃតំបន់ស្វយ័តជនជាតិជាំងក្វាងស៊ី, ការិយាល័យទំនាក់ទំនងពាណិជ្ជកម្មកម្ពុជាប្រចំាទីក្រុងណាននីង, រដ្ឋាភិបាលប្រជាជនទីក្រុងប៉ីហៃ, អាជ្ញាធរពាក់ព័ន្ធទីក្រុងប៉ីហៃ, តំណាងធនាគារអភិវឌ្ឍន៍ជនបទនិងកសិកម្មនៃកម្ពុជា, ព្រមទាំងពាណិជ្ជករទិញ-លក់ដំឡូងមីចិននិងកម្ពុជា ជាច្រើនរូប៕

អត្ថបទទាក់ទង

កម្ពុជាបន្តពង្រីកពាណិជ្ជកម្មជាមួយប្រទេសចិន និងដៃគូពាណិជ្ជកម្មផ្សេងៗក្នុងឆ្នាំ២០២៥ សេដ្ឋកិច្ចថ្ងៃព្រហស្បតិ៍ ទី២០ ខែមីនា ឆ្នាំ២០២៥
សម្តេចមហាបវរធិបតី ហ៊ុន ម៉ាណែត បញ្ជាក់ពីការគិតគូរជួយវិស័យអាកាសចរណ៍ និងការអនុគ្រោះពន្ធសម្រាប់ក្រុមហ៊ុនអាកាសចរ ព័ត៌មានជាតិ សង្គម សេដ្ឋកិច្ចថ្ងៃអង្គារ ទី៤ ខែមីនា ឆ្នាំ២០២៥
អាជ្ញាធរដកបង្គោលព្រំដី ក្រុមហ៊ុនទាំង៤ លើតំបន់ខ្នងផ្សារ និងប្រគល់ដី៤០ហិកតា ជូនសហគមន៍តាមបទបញ្ជារបស់សម្តេចធិបតី ព័ត៌មានជាតិថ្ងៃសុក្រ ទី១៤ ខែមីនា ឆ្នាំ២០២៥