ឧត្តមសេនីយ៍ទោ សេង ធារិន ប្រាប់ឲ្យកងទ័ពឈរជើងក្នុងខេត្តបីលើផ្ទៃបឹងទន្លេសាប បន្ត ទប់ស្កាត់ និងបង្រ្កាបបទល្មើសទន្លេសាទ ពិសេសនៅតំបន់ឡូតិ៍អភិរក្សពូជត្រី ឱ្យបានដាច់ខាត
ឧត្តមសេនីយ៍ទោ សេង ធារិន ប្រាប់ឲ្យកងទ័ពឈរជើងក្នុងខេត្តបីលើផ្ទៃបឹងទន្លេសាប បន្ត ទប់ស្កាត់ និងបង្រ្កាបបទល្មើសទន្លេសាទ ពិសេសនៅតំបន់ឡូតិ៍អភិរក្សពូជត្រី ឱ្យបានដាច់ខាត
ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ និងជាប្រធានគណៈបញ្ជាការដឹកនាំបង្ក្រាប់បទល្មើសនេសាទបឹងទន្លេសាប បានបន្តជំរុញឱ្យកងទ័ពឈរជើងក្នុងខេត្តចំនួន៣ លើផ្ទៃបឹងទន្លេសាប បន្តយកចិត្តទុកដាក់ ល្បាត ការពារ ទប់ស្កាត់ និងបង្រ្កាបបទល្មើស ពិសេសនៅតំបន់ឡូតិ៍អភិរក្សពូជត្រី ឱ្យបានដាច់ខាត។
ការជំរុញបែបនេះ របស់ឧត្តមសេនីយ៍ទោ សេង ធារិន បានធ្វើឡើងខណៈ អញ្ជើញចុះសួរសុខទុក្ខកងកម្លាំងកំពុងឈរជើងទប់ស្កាត់ និងបង្ក្រាបបទល្មើសលើផ្ទៃបឹងទន្លេសាប ស្ថិតនៅភូមិសាស្រ្តខេត្តពោធិ៍សាត់ បាត់ដំបង និងសៀមរាប នាថ្ងៃទី១៦ ខែមេសា ឆ្នាំ២០២៥។
ឧត្តមសេនីយ៍ទោ សេង ធារិន បានជំរុញឱ្យថ្នាក់ដឹកនាំ នាយទាហាន នាយទាហានរង និងពលទាហាន បន្តយកចិត្តទុកដាក់ ល្បាតត្រួតពនិត្យ ការពារ ទប់ស្កាត់ និងបង្រ្កាបបទល្មើសទន្លេសាទខុសច្បាប់ ពិសេសនៅតំបន់ឡូតិ៍អភិរក្សពូជត្រី ឱ្យបានដាច់ខាត តាមបទបញ្ជាដែលថ្នាក់លើប្រគល់ជូន៕
