អន្តរក្រសួង បើកកិច្ចប្រជុំពិគ្រោះយោបល់លើគម្រោង សាងសង់ រូបព្រះពុទ្ធប្បដិមាទ្រង់ឈរ កម្ពស់៨៨ម៉ែត្រ
អន្តរក្រសួង បើកកិច្ចប្រជុំពិគ្រោះយោបល់លើគម្រោង សាងសង់ រូបព្រះពុទ្ធប្បដិមាទ្រង់ឈរ កម្ពស់៨៨ម៉ែត្រ
ភ្នំពេញ៖ រដ្ឋមន្រ្តីក្រសួងធម្មការ និងសាសនា លោក ចាយ បូរិន និងលោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ នាថ្ងៃទី២៥ ខែមេសា ឆ្នាំ២០២៥ បានដឹកនាំអន្តរក្រសួង បើកកិច្ចប្រជុំពិគ្រោះយោបល់លើរូបព្រះពុទ្ធប្បដិមាទ្រង់ឈរ កម្ពស់ ៨៨ម ដែលគ្រោងនឹងសាងសង់នៅឃុំរាម ស្រុកព្រៃនប់ ខេត្តព្រះសីហនុ។
កិច្ចប្រជុំនេះដែរ ក៏មានវត្តមានអញ្ជើញចូលរួមពីលោក ហង្ស សុតសំភារ រដ្ឋលេខាធិការ និងជាអគ្គលេខាធិការ គណៈស្ថាបត្យករកម្ពុជា លោករដ្ឋលេខាធិការ លី រស្មី និង លោក ជា ច័ន្ទថែបរ៉ាស អគ្គលេខាធិការរង នៃអគ្គលេខាធិការដ្ឋានគណៈស្ថាបត្យករកម្ពុជា ផងដែរ។
គួរបញ្ជាក់ថា គម្រោងសាងសង់សំណង់ព្រះពុទ្ធប្បដិមា ដែលមានកម្ពស់ ៨៨ ម៉ែត្រនេះ មានទីតាំងស្ថិតនៅឃុំរាម ខេត្តព្រះសីហនុ មានចម្ងាយប្រហែល ១,២ គីឡូម៉ែត្រពីរង្វង់មូលព្រះថោងតោងស្បៃនាងនាគ និង ២,៣ គីឡូម៉ែត្រ ពីទីតាំងខ្មែរធ្វើបាន។ សំណង់នេះនឹងសាងសង់បែរមុខទៅរកអាកាសយានដ្ឋានអន្តរជាតិខេត្តព្រះសីហនុ ដែលមានកម្ពស់ ៨៨ ម៉ែត្រ។ សំណង់ព្រះពុទ្ធប្បដិមានេះសាងសង់ឡើងស្របតាមគោលគំនិតរបស់រដ្ឋាភិបាលកម្ពុជា ដែលនឹងក្លាយជាសំណង់សាសនាដ៏ធំតំណាងឲ្យអត្តសញ្ញាណប្រទេសកម្ពុជា៕
