ឯកឧត្តមអភិសន្តិបណ្ឌិត ស សុខា អញ្ជើញសំណេះសំណាលជាមួយសិក្ខាកាមមន្ត្រីក្រសួងមហាផ្ទៃនៅប្រទេសវៀតណាម និងផ្តល់ការណែនាំសំខាន់ៗ
ឯកឧត្តមអភិសន្តិបណ្ឌិត ស សុខា អញ្ជើញសំណេះសំណាលជាមួយសិក្ខាកាមមន្ត្រីក្រសួងមហាផ្ទៃនៅប្រទេសវៀតណាម និងផ្តល់ការណែនាំសំខាន់ៗ
ទីក្រុងហូជីមិញ៖ នៅរសៀលថ្ងៃទី ២៨ ខែមេសា ឆ្នាំ ២០២៥ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ បានអញ្ជើញសំណេះសំណាលជាមួយសិក្ខាកាមជាមន្ត្រីនគរបាល និងពន្ធនាគារ នៃក្រសួងមហាផ្ទៃ ដែលកំពុងសិក្សានៅសាលាបណ្តុះបណ្តាលនគរបាល ក្នុងភាគខាងត្បូងប្រទេសវៀតណាម។ ពិធីសំណេះសំណាលនេះ បានប្រារព្ធនៅបរិវេណមហាវិទ្យាល័យតម្រួតប្រជាជន ទីក្រុងហូជីមិញ មានការចូលរួមពីសិក្ខាកាមជាង ២០០នាក់ និងគណៈប្រតិភូក្រសួងមហាផ្ទៃ។
លោក រ៉េន រតនៈ ជំនួយការរដ្ឋមន្ត្រី និងជាអ្នកនាំពាក្យ បានឱ្យដឹងថា ឯកឧត្តមអភិសន្តិបណ្ឌិត បានថ្លែងការលើកទឹកចិត្ត និងកោតសរសើរដល់សិក្ខាកាមដែលបានឆ្លងផ្លូវមកសិក្សានៅសាធារណរដ្ឋសង្គមនិយមវៀតណាម។ ឯកឧត្តមបានរំលឹកឱ្យសិក្ខាកាមមានមោទនភាពចំពោះអង្គភាព ក្រុមគ្រួសារ និងប្រទេសជាតិ ដែលបានផ្តល់ឱកាសក្នុងការទទួលយកចំណេះដឹង និងជំនាញបន្ថែមសម្រាប់បំពេញភារកិច្ចជាតិនាពេលអនាគត។
ឯកឧត្តមបានបញ្ជាក់ថា ការសិក្សានៅក្រៅប្រទេស ជាផ្នែកមួយនៃយុទ្ធសាស្ត្រការអភិវឌ្ឍធនធានមនុស្សរបស់រាជរដ្ឋាភិបាលក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី។ ជាពិសេសសិក្ខាកាមត្រូវតែរក្សាវិន័យ សេចក្ដីថ្លៃថ្នូរ និងមានវិជ្ជាជីវៈក្នុងការសិក្សា និងការបម្រើការងារ ព្រមទាំងធ្វើខ្លួនជាអ្នកបំពេញកាតព្វកិច្ចដ៏មានតម្លៃចំពោះសង្គម និងប្រជាពលរដ្ឋ។
ក្នុងនោះដែរ ឯកឧត្តមបានផ្តល់អនុសាសន៍ឱ្យសិក្ខាកាមកុំបារម្ភពីសិទ្ធិ អតីតភាព និងភាពខុសប្លែកក្នុងការបន្តការងារ ដោយសារថ្នាក់ដឹកនាំបានយកចិត្តទុកដាក់ និងដាក់ចេញនូវវិធានការច្បាស់លាស់ក្នុងការធានាថា មន្រ្តីទាំងអស់នឹងទទួលបានការគាំទ្រជ្រាបជ្រែកពេញលេញបន្ទាប់ពីបញ្ចប់ការសិក្សា។
នៅចុងបញ្ចប់ពិធីសំណេះសំណាលនេះ ឯកឧត្តមអភិសន្តិបណ្ឌិតបានឧបត្ថម្ភថវិកា ចំនួន ៣០០ដុល្លារ ដល់សិក្ខាកាមនីមួយៗចំនួន ២៥៦នាក់ និងបានថតរូបអនុស្សាវរីយ៍ជាមួយសិក្ខាកាមទាំងអស់ ក្នុងបរិយាកាសកក់ក្ដៅ និងសោមនស្សរីករាយ។
សូមជម្រាបថា កម្មវិធីនេះបានបញ្ជាក់ពីការយកចិត្តទុកដាក់យ៉ាងជ្រាលជ្រៅរបស់ថ្នាក់ដឹកនាំក្រសួងមហាផ្ទៃ ចំពោះការអភិវឌ្ឍធនធានមនុស្ស និងការជម្រុញឲ្យកម្លាំងពលកម្មរបស់ប្រទេសកាន់តែមានគុណភាព៕
