ជាលើកទី១ នៅកម្ពុជា ដែលស្នងការខេត្តព្រៃវែង រងការប្រមាថពីក្រុមក្មេងពាល
ជាលើកទី១ នៅកម្ពុជា ដែលស្នងការខេត្តព្រៃវែង រងការប្រមាថពីក្រុមក្មេងពាល
ព្រៃវែង៖ ឧត្ដមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានបង្ហាញអំពីការប្រមាថដ៏ធ្ងន់ធ្ងន់មួយដែលថា មិនដែលកើតមានទាល់តែសោះនៅក្នុងសង្គមកម្ពុជា ខណៈក្រុមក្មេងពាលដេញគប់ និងវាយគ្នាដល់ក្នុងបរិវណស្នងការ ដែលនេះលោកចាត់ទុកថា ជាការប្រមាថមួយមិនអាចអន់ឱនឲ្យបាន។
តាមរយៈបណ្តាញសង្គមនាថ្ងៃទី៩ ខែឧសភា ឆ្នាំ២០២៥ ឧត្តមសេនីយ៍ទោ ឈឿ ប៊ុនឆន បានលើកឡើងថា “ប្រហែលនេះគឺលើកទី១ហើយនៅស្រុកខ្មែរ ។ ជាការប្រមាថដ៏ធ្ងន់ធ្ងរមួយ ដល់កម្លាំងសន្តិសុខខេត្ត ដែលមានខ្ញុំជាអ្នកដឹកនាំមួយរូប និងមិនអាចទទួលយកបានជាដាច់ខាត! ក្មេងៗសត្វមមាចមួយក្រុមនេះដេញគប់គ្នា និងវាយគ្នារហូតដល់ក្នុងបរិវេណស្នងការដ្ឋាននគរបាលខេត្ត ពិតជាមិនគួរឱ្យជឿទាល់តែសោះ” ។
លោកស្នងការបានបន្ថែមទៀតថា “តើខ្ញុំគួរធ្វើបែបណាចំពោះពួកគាត់ឱ្យសមនឹងទង្វើតិរច្ឆាននេះ? ខ្ញុំសង្ឃឹមយ៉ាងមុតមាំថា លោកចៅក្រមនៃខេត្តព្រៃវែងនឹងកំណត់ទោសទណ្ឌក្រុមនេះដោយសមរម្យបំផុត ពីព្រោះខ្ញុំយល់ឃើញថា ពួកនេះបើអប់រំត្រឡប់ទៅផ្ទះឱ្យកែខ្លួនក៏មិនចំណេញដល់សង្គមជាតិដែរ” ។
ជាថ្មីទៀត ឧត្តមសេនីយ៍ទោ ឈឿង ប៊ុនឆន សូមផ្តាំយ៉ាងទទូច និងម៉ឺងមាត់ថា ក្មេងៗពាលដែលចូលចិត្តប្រព្រឹត្តអំពើពាលាអាវ៉ាសែទាំងឡាយក្នុងឃុំសង្កាត់ទាំង ១១៦ នៃខេត្តព្រៃវែង ឱ្យតែលោកបានដឹងថា ពួកអស់លោកលោកស្រីឯងបានប្រព្រឹត្តបទល្មើសហើយ ទោះគេចដល់ទីណាក៏តាមយកដែរ ហើយគ្មានឡើយវិធានការអប់រំនោះ៕
