ភ្លើងឆេះព្រៃនៅ Los Angeles កាន់តែកាចសាហាវ សម្លាប់មនុស្ស និង ដុតបំផ្លាញផ្ទះសម្បែងរបស់អភិជនអស់ជាច្រើនខ្នង
ភ្លើងឆេះព្រៃនៅ Los Angeles កាន់តែកាចសាហាវ សម្លាប់មនុស្ស និង ដុតបំផ្លាញផ្ទះសម្បែងរបស់អភិជនអស់ជាច្រើនខ្នង
គ្រោះមហន្តរាយភ្លើងឆេះព្រៃនៅទីក្រុង Los Angeles ហាក់មិនថមថយចុះទាល់តែសោះ។ ខណៈភ្លើងឆេះព្រៃនេះ កាន់តែកាចសាហាវ សម្លាប់មនុស្សនិងដុតបំផ្លាញផ្ទះសម្បែងអស់ជាច្រើនខ្នងរបស់តារាភាពយន្តHollywood។
បន្ទាប់ពីសង្ឃឹមបានមួយភ្លែតនៅពេលខ្យល់ចាប់ចុះខ្សោយបន្តិច នៅល្ងាចថ្ងៃសុក្រ ក្រុមពន្លត់អគ្គិភ័យត្រូវប្រយុទ្ធនឹងអំណាចភ្លើងឆេះសន្ធោសន្ធៅ ម្ដងទៀត ដោយសារតែកម្លាំងខ្យល់ចាប់បក់លឿនខ្លាំងឡើងវិញ នៅថ្ងៃសៅរ៍ ទី១១ ខែមករា ឆ្នាំ២០២៥។
គួរបញ្ជាក់ថា គិតត្រឹមព្រឹកថ្ងៃអាទិត្យ ភ្លើងឆេះព្រៃដែលផ្ទុះឡើងជាលើកដំបូងនៅថ្ងៃអង្គារ ទី ៧មករា បានសម្លាប់មនុស្ស១៦នាក់ហើយ និងបានដុតបំផ្លាញសំណង់អគារ ប្រមាណ ១២០០០ និងបណ្តាលឲ្យមនុស្សជាង ១សែន៥ម៉ឺននាក់ត្រូវជម្លៀសចេញពីផ្ទះសម្បែង៕
