🚨ឃាត់ខ្លួនបានហើយ ! ពីរនាក់ប្ដីប្រពន្ធម្ចាស់មន្ទីរសម្រាកព្យាបាលនិងសម្ភព សុងហាក់ម៉ារីណា នៅស្រុកបាទីខេត្តតាកែវ ករណីចា.ក់ថ្នាំបណ្តាលឱ្យស្ត្រីវ័យ៤១ឆ្នាំ ម្នាក់បាត់បង់ជីវិត រួចយកទៅបោះចោល និងយកកូនជនរងគ្រោះអាយុជាង៣ឆ្នាំផ្លុងចោលថែមទៀត

ដោយ៖ ឡៅ ពិសិដ្ឋ | ថ្ងៃអង្គារ ទី១៩ ខែវិច្ឆិកា ឆ្នាំ២០២៤ សង្គម

ខេត្តតាកែវ ៖ ស្ត្រីដែលដេកស្លា.ប់ក្បែរដើមសង្កែ បង្កការភ្ញាក់ផ្អើលទាំងព្រឹក នៅស្រុកបាទី គឺជាករណីប្រតិកម្មនឹងថ្នាំចាក់របស់ពេទ្យឯកជន ។ តាមរបាយការណ៍របស់កងរាជអាវុធហត្ថស្រុកបាទីបញ្ជាក់ថា នេះជាករណីមនុស្សឃា.តដោយអចេតនា (ចាក់ថ្នាំប្រតិកម្មស្លា.ប់) នៅចំណុចមន្ទីរសម្រាកព្យាបាល និងសម្ភពសុងហាក់ម៉ារីណា ស្ថិតនៅភូមិបឹងបញ្ញាគុក ឃុំត្រពាំងក្រសាំង ស្រុកបាទី ខេត្តតាកែវ ។

ដោយបានបញ្ជាក់បន្ថែមថា កាលពីវេលាម៉ោង១៨និង០០នាទីល្ងាច ថ្ងៃទី១៨ ខែវិច្ឆិកា ឆ្នាំ២០២៤ ជនរងគ្រោះឈ្មោះ ណាំ ចន្ធូ ភេទស្រី អាយុ៤១ឆ្នាំ ជាមួយនឹងក្មួយស្រីឈ្មោះ ណូន សៀវហ្វាន អាយុ៣ឆ្នាំ មានទីលំនៅភូមិទឹកថ្លាឃុំត្រពាំងក្រសាំង ស្រុកបាទី ខេត្តតាកែវ បានប្រាប់ក្រុមគ្រួសារថា ទៅរកពេទ្យ ដើម្បីឲ្យចាក់ថ្នាំព្យាបាលជំងឺរបស់ខ្លួន ។ ដោយបាត់ជនរងគ្រោះចេញទៅចាក់ថ្នាំមិនឃើញត្រឡប់មកផ្ទះវិញយូរពេក ក្រុមគ្រួសារមានការភិតភ័យក៏បាននាំគ្នាទៅដើររកជនរងគ្រោះរហូតដល់ម៉ោង២និង០០នាទីយប់ ថ្ងៃទី១៩ ខែវិច្ឆិកា ឆ្នាំ២០២៤ ទើបប្រទះឃើញម៉ូតូរបស់ជនរងគ្រោះនៅក្នុងព្រៃខាងត្បូងភូមិ ឃ្លាតពីផ្ទះពេទ្យប្រហែល៣០០ម៉ែត្រ តែមិនបានឃើញជនរងគ្រោះឡើយ ។

លុះព្រឹកឡើងម៉ោង៥និង៤៥នាទីព្រឹក ថ្ងៃទី១៩ ខែវិច្ឆិកា ទើបប្រជាពលរដ្ឋប្រទះឃើញស.ពជនរងគ្រោះ និងក្មេងស្រីអង្គុយក្បែរស.ពនៅចំណុចគុម្ភសង្កែក្បែរផ្លូវបេតុង ស្ថិតនៅភូមិម្រះព្រៅ ឃុំចំបក់ស្រុកបាទី ខេត្តតាកែវ ។

ក្រោយទទួលព័ត៌មានកម្លាំងកងរាជអាវុធហត្ថស្រុកបាទី និងកម្លាំងប៉ូលិសស្រុកបានចុះដល់ទីតាំងកើតហេតុ ហើយកម្លាំងជំនាញកោសល្យវិច្ច័យ និងពេទ្យបានធ្វើកោសល្យវិច្ច័យទៅលើស.ពរួចរាល់ បញ្ជាក់ថា ជនរងគ្រោះបានស្លា.ប់ដោយសារប្រតិកម្មនឹងការចាក់ថ្នាំ។ បច្ចុប្បន្នសពត្រូវបានប្រគល់ជូនក្រុមគ្រួសារជនរងគ្រោះយកទៅធ្វើបុណ្យតាមប្រពៃណី ។

ដោយឡែកម្ចាស់មន្ទីរសម្រាកព្យាបាល និងសម្ភពសុងហាក់ម៉ារីណា ពីរនាក់ប្ដីប្រពន្ធ មានឈ្មោះ ៖ ឈ្មោះហៀង សុងហាក់ ភេទប្រុស អាយុ៣៧ឆ្នាំ មុខរបរពេទ្យ និងប្រពន្ធឈ្មោះស៊ុន ម៉ារីណា ភេទស្រី អាយុ៣៩ឆ្នាំ មុខរបរពេទ្យ បង្អែកស្រុកបាទី មានទីលំនៅភូមិបឹងពញាកគុក ឃុំត្រពាំងក្រសាំង ស្រុកបាទីខេត្តតាកែវ ត្រូវបានឃាត់ខ្លួនចាត់ការទៅតាមនីតិវិធី ៕

ប្រភពពី: ខេត្តតាកែវ

អត្ថបទទាក់ទង

សាលាដំបូងខេត្តតាកែវសម្រេចឃុំខ្លួនលោកវរសេនីយ៍ទោ សុខ សង្ហា ពីបទ “ស៊ីសំណូក និងរំលោភអំណាច“ សង្គមម្សិលមិញ ម៉ោង 9:16 am
ស្របពេលស្រូវវៀតណាមធ្លាក់ថ្លៃ សហគមន៍កសិកម្មទំនើបក្លាយជាដំណោះស្រាយសម្រាប់កសិករខ្មែរ សង្គមថ្ងៃអង្គារ ទី១៤ ខែមករា ឆ្នាំ២០២៥
តស់មកយកឡាន! ថ្ងៃទី18 មករា ខាងមុខនេះ ប៊ូសស្រ្តងនឹងប្រកួតដណ្ដើមឡានទី7 ផ្ដាច់ព្រ័ត្រនៅកំបូល សង្គមថ្ងៃអង្គារ ទី១៤ ខែមករា ឆ្នាំ២០២៥
Breaking: អាជ្ញាធរជប៉ុន ព្រមានអំពីរលកយក្សស៊ូណាមិ បន្ទាប់ពីគ្រោះរញ្ជួយដីកម្រិត ៦.៩ រ៉ិចទ័រ វាយប្រហារភាគនិរតីប្រទេសជប៉ុន សង្គមថ្ងៃអង្គារ ទី១៤ ខែមករា ឆ្នាំ២០២៥
សេចក្តីប្រកាសរបស់កងរាជអាវុធហត្ថលើផ្ទៃប្រទេស ចំពោះករណីរថយន្តស៊ីរ៉ែនអូសក្បួន ស្លាកលេខ ខ.ម. 02 2-1871 ព័ត៌មានជាតិ សង្គមថ្ងៃចន្ទ ទី១៣ ខែមករា ឆ្នាំ២០២៥
ប៉ា នឹងកូនៗ គេងជិតគ្នាលង់លក់សូន្យឈឹងគ្មានថ្ងៃត្រឡប់វិញ ម្តាយគេងនៅពេទ្យបាត់បង់ស្មារតីជាមនុស្ស ពេលឥឡូវនេះ សង្គមថ្ងៃសៅរ៍ ទី១១ ខែមករា ឆ្នាំ២០២៥