ប៉ា នឹងកូនៗ គេងជិតគ្នាលង់លក់សូន្យឈឹងគ្មានថ្ងៃត្រឡប់វិញ ម្តាយគេងនៅពេទ្យបាត់បង់ស្មារតីជាមនុស្ស ពេលឥឡូវនេះ
ប៉ា នឹងកូនៗ គេងជិតគ្នាលង់លក់សូន្យឈឹងគ្មានថ្ងៃត្រឡប់វិញ ម្តាយគេងនៅពេទ្យបាត់បង់ស្មារតីជាមនុស្ស ពេលឥឡូវនេះ
នៅល្ងាចថ្ងៃទី ១០ ខែមករា ឆ្នាំ ២០២៥ មានករណីគ្រោះថ្នាក់ចរាចរណ៍មួយបានកើតឡើង នៅតាមបណ្ដោយផ្លូវ ៦០ ម៉ែត្រ ស្ថិតក្នុងសង្កាត់ជេីងឯក ខណ្ឌដង្កោ រាជធានីភ្នំពេញ បង្កឡើងដោយបុរសម្នាក់ស្រវឹងជោកជាំ បើករថយន្ដបុកម៉ូតូបើកបរក្នុងទិសដៅផ្សេងគ្នា បណ្ដាលឱ្យអ្នកជិះម៉ូតូ ៣ នាក់ស្លាប់ រួមមានឪពុក និង កូនតូច ២ នាក់ ព្រមទាំងម្ដាយរងរបួសធ្ងន់ដាច់ជើង។
តាមប្រភពបានឱ្យដឹងថា នៅថ្ងៃកើតហេតុ រថយន្ដបង្កម៉ាក Tacoma ពាក់ផ្លាកលេខភ្នំពេញ 2BS-1023 បានបុកជាមួយម៉ូតូម៉ាក Click ពណ៌ខ្មៅ ពាក់ផ្លាកលេខភ្នំពេញ 1II-2330 ជិះគ្នា ៤ នាក់ មានឪពុក ម្ដាយ និង កូនតូច ២ នាក់ ស្រីម្នាក់ ប្រុសម្នាក់ ដែលជាអកុសលបានបណ្ដាលឱ្យកូនតូចៗទាំង ២ នាក់ រួមជាមួយឪពុកបានស្លាប់ភ្លាមៗ ខណៈម្ដាយរងរបួសធ្ងន់ដាច់ជើង។
ក្រោយកើតហេតុ សមត្ថកិច្ចបានឃាត់ខ្លួនជនបង្កដែលជាអ្នកបើករថយន្ដ និង បញ្ជូនជនរងគ្រោះទៅសង្គ្រោះនៅមន្ទីរពេទ្យ ចំណែកសពទាំង ៣ បច្ចុប្បន្នបានបញ្ជូនទៅតម្កល់នៅវត្តទឹកថ្លា ដើម្បីរៀបចំធ្វើពិធីបុណ្យទៅតាមប្រពៃណី៕
