WWF-Cambodia ក្នុងឱកាសបុណ្យចូលឆ្នាំខ្មែរនេះ អំពាវនាវឲ្យពលរដ្ឋបញ្ឈប់ការបរិភោគសាច់សត្វព្រៃ
WWF-Cambodia ក្នុងឱកាសបុណ្យចូលឆ្នាំខ្មែរនេះ អំពាវនាវឲ្យពលរដ្ឋបញ្ឈប់ការបរិភោគសាច់សត្វព្រៃ
ភ្នំពេញ៖ អង្គការ WWF-Cambodia នៅព្រឹកថ្ងៃទី១៥ ខែមេសា ឆ្នាំ២០២៥នេះ បានអំពាវនាវឲ្យរួមគ្នាបញ្ឈប់គាំទ្រ និងបរិភោគសាច់សត្វព្រៃ ក៏ព្រោះថាតម្រូវការផលិតផលសាច់សត្វព្រៃធ្វើជាអាហា គឺជាកត្តាជំរុញឲ្យមានការបរបាញ់ ការដាក់អន្ទាក់ និងការជួញដូរសត្វព្រៃខុសច្បាប់។
តាមរយៈបណ្តាញសង្គម WWF-Cambodia បានលើកឡើងថា តម្រូវការផលិតផលសាច់សត្វព្រៃធ្វើជាអាហារ គឺជាកត្តាជំរុញឱ្យមានការបរបាញ់ ការដាក់អន្ទាក់ និងការជួញដូរសត្វព្រៃខុសច្បាប់ជាដើម។ ការទទួលទានសាច់សត្វព្រៃក៏អាចបង្កើនហានិភ័យនៃការចម្លងជំងឺពីសត្វព្រៃមកមនុស្សផងដែរ ដែលបង្កគ្រោះថ្នាក់យ៉ាងធ្ងន់ធ្ងរដល់បរិស្ថាន និងសុខភាពរបស់យើង។
ជាឧទាហរណ៍ ចូលនិយាយថា «ទេ» ចំពោះការបរិភោគសាច់សត្វព្រៃនៅថ្ងៃនេះ និងជារៀងរហូត នោះមានន័យថា យើងអាចបន្តវត្តមានសត្វដ៏ស្រស់ស្អាត និងមានតម្លៃដូចជា សត្វទន្សោង និងសត្វព្រៃផ្សេងៗទៀតនៅថ្ងៃនេះ និងទៅអនាគតផងដែរ។ តស់! ចូលរួមផ្តល់ជាមតិយោបល់ និងការតាំងចិត្តរបស់យើងម្នាក់ៗ ដើម្បីការពារសត្វព្រៃ នៅក្នុងប្រអប់មតិយោបល់ខាងក្រោមនេះ៕
