បច្ចុប្បន្ន ស៊ីម៉ាក់មានជំនាញសុនខ ហិតជាតិផ្ទុះ សន្តិសុខ ល្បាត ប្រមាញ់ និងសុនខ ហិតគ្រឿងញៀន
បច្ចុប្បន្ន ស៊ីម៉ាក់មានជំនាញសុនខ ហិតជាតិផ្ទុះ សន្តិសុខ ល្បាត ប្រមាញ់ និងសុនខ ហិតគ្រឿងញៀន
ភ្នំពេញ៖ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក មជ្ឈមណ្ឌលសកម្មភាពកំចាត់មីនកម្ពុជា ហៅកាត់ស៊ីម៉ាក់ បានបញ្ជាក់ថា បច្ចុប្បន្ននេះអង្គភាពសុីម៉ាក់ផ្នែកជំនាញសុនខរួមមានជំនាញសុនខហិតជាតិផ្ទុះ សុនខសន្តិសុខ សុនខល្បាត សុនខប្រមាញ់ និងសុនខហិតគ្រឿងញៀនជាដេីម។
តាមរយៈបណ្តាញសង្គមនាព្រឹកថ្ងៃទី៤ ខែមិថុនា ឆ្នាំ២០២៥នេះ លោក ហេង រតនា បានលើកឡើងថា គ្រូបច្ចេកទេសសុនខបានទទួលការហ្វឹកហ្វឺនពង្រឹងសមត្ថភាពជំនាញ ទេពកោសល្យ និងបច្ចេកទេសសុនខទាំងនៅក្នុងប្រទេសនិងក្រៅប្រទេស!! បច្ចុប្បន្ននេះអង្គភាពសុីម៉ាក់ផ្នែកជំនាញសុនខរួមមានជំនាញសុនខហិតជាតិផ្ទុះ សុនខសន្តិសុខ សុនខល្បាត សុនខប្រមាញ់ និងសុនខហិតគ្រឿងញៀនជាដេីម។
សូមរំលឹកថា ជំនាញសុនខនៅកម្ពុជានេះបានចេញដំណេីរពីការជួយរបស់រដ្ឋាភិបាលនិងកងទ័ពស៊ុយអ៊ែតចាប់ផ្តេីមនៅឆ្នាំ១៩៩៦-៩៧ ដោយអង្គភាពCMACពឹងជំនួយអន្តរជាតិទាំងធនធាន និងជំនាញបច្ចេកទេសព្រមទៃងការនាំចូលសុនខពីបរទេស១០០% មកដល់បច្ចុប្បន្ននេះ អង្គភាពCMACបានម្ចាស់ការទាំងធនធាន ជំនាញបច្ចេកទេស និងបង្កាត់ពូជ ធានានិរន្តភាពខ្លួនឯង១០០% ហេីយមិនត្រឹមតែសម្រាប់គាំទ្រតម្រូវក្នុងស្រុកប៉ុណ្ណោះទេ ដោយថែមទាំងអាចនាំចេញទៅប្រទេសមួយចំនួនផងដែរ។ ខ្មែរអាចធ្វេីបាន!! (០៤ មិថុនា ឆ្នាំ២០២៥)៕
